شەفەق نیوز/ عەبدولەتیف جەمال رەشید، سەرۆک کۆمار عراق، ئمڕوو شەممە، کەمەوبوین ئاو و زیایبوین بیاوانبوین و هشکەساڵی لە وڵاتەگە ئەرا بڕیگ هوکار گلەو دا، لەوانەیش کردەوەیل وڵاتەیل هاوسا لەی باوەتە.
لەتیف لە سەردانیگ ئەرا زانکۆی ئەنبار لە وتاریگ وت: "ئیمە وەدەس کەمەوبوین سەرچەوەیل ئاوی و زیایبوین بیاوانبوین و هشکەساڵییەو ناڵیمن، کە وە سێ فاکتەر سەرەکی کۆنترۆڵ کریەن کە بریتین لە کەشوهەوا و وەڕیەوبردن ئاو و کردەوەی وڵاتەیل هاوسا.
وتیش: "گشتمان هاوبەش گەوهەرییمن لە پرۆسەی گەشەپیدان، بیناکردن کۆمەڵگا، چاکسازی سیاسی، نواگیریکردن دیاردە بەدەیل، چارەسەرکردن گەندەڵی کارگێڕی و دارایی، مقیەتیکردن ژینگە، و نواگیریکردن کاریگەرییەیل ئاڵشتبوین کەشوهەوا".
عراق وەدەس قەیران ئاوەو ناڵێد، بەڵام لەماوەی چوار ساڵ گوزەشتە قەیران ئاو زیاترەو بویە و رەسیەسە رەوشیگ رخدار، لە ساڵ گوزەشتە 2023، رەسیە لویتکەی، هەناێ ئاست ئاو داوەزیا ئەرا ئاستیگ بیوینە لەوەر ئەو هشکەساڵییە کە کاریگەری لەبان تەواوی ناوچەگە دیرێد.