شەفەق نیوز - وەدویاچگن

سەرۆک سندوق نەختینەی ناودەوڵەتی کریستالینا جۆرجیڤا، ئمڕوو شەممە، راگەیان  سندوقەگە بڕیار داگە وە سەختی عراق پشتگیری بکەێد لەڕی بەرنامەی قەرز داواکریاگ.

جۆرجیڤا لە کۆنگرەیگ رووژنامەوانی کۆتایی ئەرا کۆبوینەوەیل ساڵانەی سندوق نەختینەی ناودەوڵەتی و بانک ناودەوڵەتی لە بانکوک ئاشکراکرد: "پشتیوانی وە پویل و سیاسەت وە عراق پێشکەش کەیمن".

لەباوەت لوبنان، جۆرجیڤا دووپات کرد، سندوقەگە گشت قەیلیگ خەس وەگەرد دەسەڵاتدارەیل لوبنانی ئەنجام دەێد، کە ئەوە نیشانەێ پێشکەفتن دیاریگە وەرەو ئەوزەڵکردن بەرنامەی قەرزەیل.

وتیش: "پیشکەفتنگ گەپ  لە بەرنامەگە توومار کردیمن وتا ئیسەش  بڕیگ کار هاوبەش ها ناوەینمان، و من ئەو باوەڕە دیرم کارەگە سەرکەفتی بوود".

 دیاریکرد  وەزیر دارایی عراق فالح ساری، بەشداری لە کۆبوینەوەیل ساڵانەی سندوق نەختینەی ناودەوڵەتی و کۆمەڵەی بانک ناودەوڵەتی کرد، کە ئیسە لە پایتەخت تايلەند بانکوک وەڕێوە چوود، لە چوارچمگ بەهێزکردن دەسمیەتی وەگەرد  دەزگاکەیل دارایی ناودەوڵەتی و پشتگیریکردن ریچکە چاکسازی ئابووری و دارایی لە عراق.