شەفەق نیوز- دیالە

سەرچەوەیگ حکومی، ئمڕوو دووشەممە، خەوەردا لە دەسگیرکردن سەرکردەیگ وەرین لە حەشد شەعبی وە تومەت ورووژانن ئاژاوەیل تائیفی و نەتەوەیی لەناو قەزای خانەقین باکوور خوەرەڵات پارێزگای دیالە.

سەرچەوەگە ئەرا ئاژانس شەفەق نیوز وت، کە هیزیگ ئەمنی "کامەران وەیس موراد"، ناسریاگ وە ناو "ئەبو مونتەزەر دەلەوی"، لە قەزای خانەقین دەسگیر کردگە، وەپای مادەی 200 لە یاسای سزایەیل، وە تومەت دروسکردن ئاژاوەیل تائیفی و رەگەزپەرسی و نەتەوەیی.

دیاری کرد، کە دەسگیرکردنەگە لەبان بڵاوکردن بڕگەیل ڤیدیۆیی هاتگە کە، وەپای سەرچەوەگە، هاندان لەبان دیرکەفتن لە سەنین و فرووشتن وەگەرد عەرەبەیل یا نیشتەجیبۊن لە خانەقین گردیەسە خوەی، بیجگە لە داواکردن ئەرا نەیان هیچ پۆستیگ حکومی وەپیان.

موراد ئەرا ماوەیگ لە یەکیگ لە دەروازە سنوورییەیل کار کردۊد، هەمیش وەرجەیە پۆستیگ سەرکردایەتی لە حەشد شەعبی گردۊدە دەس، و چۊدە ناو ریخریای بەدر و وەرپرسایەتیی لە خانەقین گردۊدە دەس، وەرجە ئەوەگ لەلی جیاوە بوود و بچوودە ناو بزووتنەوەی عەسائیب ئەهل حەق، دۊاتر لەلێی جیاوە بوود.

وەپای زانیارییە وەردەسەیل، موراد دۊای ئەوە چگە ناو پارت یەکێتی نیشتمانی کوردستان "یەکێتی".