شەفەق نیوز/ موقتەدا سەدر سەرکردەی شەپۆل سەدری، ئمڕوو جمعە، رەتکردن سەختیگ کرد لە رێککەفتن ئاشتی لەناوبەین ئیسڕائیل ودەوڵەتە عەرەوەگان، لە خود وەختەگە هووشداری کرد لە داناین عراق ئەرا ئیجوور گامیگ.

سەدر لە نووسیاگیگ ئەرا خوتبەی ناوەندی جمعە وت: لە بەنەی خودا موقتەدا سەدر ئەرا دوژمن خودا نەتن یاهو، هووشداری دەمەپید ناێدە عراق وڵات مەعسومەیل، ونەکەی هویروو بکەێ باڵیۆزخانە بکەێدەو ک وەگورەی ئایەتەیل قورئان بوودە کۆتایی ئەرادان.

وتیش؛ ئیجا قسەگەم ئەرا بەسەزوانەیل کەم، لە خوەهەڵات زەوی و خوەرئاوای، وئووشم؛ ئی رێککەفتنە سەرشووڕیە، وهەیهاتە ئیمە سەرشووڕ بویمن، خودا وپەیغەمبەر ئەوە ئەرامان نێخوازن، وبایەدە بزانین ک ئیمە شۆڕش کوچگ لەهیویرەو نێەوەیمن، وفەلەستین لە ویژدانمان زنیە.