شەفەق نیوز/ سەدان لە فەرمانەبەرەیل گریەبەسی و رووژانەکار لە وەزارت کەهرەبا، ئمڕوو یەکشەممە، لەوەردەم وەزارتەگە لەناوڕاس بەغداد پایتەخت خۆپیشاندان کردن.
پەیامنێر ئاژانس شەفەق نیوز وت: سەدان لە خۆپیشاندەرە تۆڕەگان لەوەردەم وەزارت کەهرەبا گردەوبوین، و ری نقابات لە ناوچەی مەنسوور لە بەغداد برین.
پەیامنێرەگە ئاماژە کرد ک خۆپیشاندانەرەگان دژوە بڕیار دویایین ماجد حەنتوش وەزیر کەهرەبان ک گواستنەوەی دەور ٣٧ هەزار گریەبەسی و رووژانە کار ئەرا فەرمانگەیل پویل وەرگردن و خاسەوکردن لە کۆمپانیای دابەشکردن کەهرەبا کەێد.
پەیامنێرەگەمان لە زووان ژمارەیگ لە خۆپیشاندەرەگان وت: ک ئەوەسا خۆپیشاندانەگە ئاڵشت کەن ئەرا مانگردن لە وەردەم بینای وەزارەتەگە تا وەزیرەگە واز لە بڕیارەگەی بارێد.