شەفەق نیوز/ سەرچەوەیگ ئەمنی، ئمڕوو پەنجشەممە، خەوەردا لە کوشیان ئەندامیگ حەشد شەعبی و یەکیگیش لەئەنجام مەرافیگ و سێیەم وە شیوەی هەڵە بویە لە بەغدای پایتەخت.
سەرچەوەگە وە ئاژانس شەفەق نیوز وت، چەکدارەیلیگ نەناسریاگ لەبان ماتوورسکڵ تەقە وە ئاڕاستەی کەسیگ کردنە ک ئەندامە لە حەشد شەعبی لە ناوچەی زەعفرانیە باشوور خوەرهەڵات بەغدا، لەئەنجام دەسوەجی گیان لەدەسدایە، و چەکدارەیلەش واینە.
لە رویداویگتر، سەرچەوەگە وت، گەنجیگ لەداڵگبوی 2011 وەپای قسەی کەسوکاری دەسکاری چەکیگ لە جویر کلاشینکۆف کردیە و وەهەڵە تەقە لە خوەی کردیە، گولەگە لەقێ سەری جیگیربویە، لە ناوچەی سەبع قسور لە خوەرهەڵات پایتەخت.
لە رویداو سێیەم، مەرافیگ لەناوەین دوو کەس دروسبوود لەبان ماتوورسکڵ رەسێد ئەرا وەکارهاوردن چەقوو لەئەنجام لایەنیگ لە مەرافەچیەیل کوشریەێد ک لە داڵگبوی 2011 لەدویای زەخمداری بوین ملی وە چەقوو، تاوانبارەگە وایە، ئاشکەرایکرد شوین رویداوەگە کویچەی ئوور لە خوەرهەڵات بەغدا بویە.