شەفەق نیوز/ میسال ئالووسی سیاسەتمدار عراقی و پەرلەمانتار وەرین، ئمڕوو شەممە، وەزبری رەخنەی راگەیانن دەسەی گشتی گومرگ لە جیوەجیکردن بڕیار قەیەغەکردن هاوردەی مەی و نووشین کحولی کرد.
ئالووسی ئەرا ئاژانس شەفەق نیوز وت: حزبەیل لایەنگر ئیران خوازن بەغداد بکەنە دەوڵەتیگ ئیسلامی وە جیوەجیکردن ئیجویر بڕیارەیلیگ وەپیچەوانەی دەستوور عراقی ک ماف و ئازادی کەسایەتی وەخشیە، وەتایبەت عراق وڵاتیگ هەمەڕەنگە چ لە ئاینی یا لە کەلتور، ئەراوە نەبایەت رای لایەنەیل تونەڕەوی لەبان رای عراقیەیل بچەسپێد.
دیاری کرد ک ئی بڕیارە فرە رخبەرە، و ئازادیەیل کەسایەتی کەێدە ئامانج، و هاتێ ئی بڕیارە خوازێد بازرگانی هوشبەری لەناو عراق زیای بکەێد، و ئی لایەنەیلە لەبان رای ئیران ری کورد و گشتی یە زانێد.
دەسەی گشتی گومرگەیل عراق، لە رووژ شەممە ٤ ئادار گوزەشتە، رینما وە گشت ناوچە و ناوەندەیل گومرگی دا وە قەیەغەکردن وەناوهاتن گشت چینەیل مەی و نووشین کحولی.