شەفەق نیوز/ ئەنجومەن دادگای باڵا، ئمڕوو سێشەممە، ئامار فەرمی مارەبڕین و جیاوەبوین و ماوەی مانگیگ لە عراق راگەیان.

وەپای ئامارەگە، بەغدای پایتەخت رەسافە و کەرخ لەلایەو هانە لوتکەی عراق لە گرێبەست مارەبڕین کە توومارکریابوود وە  7389، لەدویای ئەو پارێزگای نەینەوا وە ـ3000 گرێبەست لە دادگایەیل ناوخوەیی توومارکریانە.

لە ئامارەگە دیاریکەێد حالەتەیل جیاوەبوین بەغدا ها لە پلەی یەکەم وە  2001 حالەت جیاوەبوین، لەدویای ئەو پارێزگای بەسڕە تێد وە ـ630 حالەت.