شەفەق نیوز/ سەرچەوەیگ ئەمنی لە سەڵاحەدین، ئمڕوو شەممە، خەوەردا لە کوشتن مەدەنییگ لە دەورگرد شار تکریت، و گەنجیگ وە کەفتن ماشینەگەی لە چەم دیجلە گیانی لەدەسدا.  

سەرچەوەگە ئەرا ئاژانس شەفەق نیوز وت: چەکدارەیلیگ نەناسریاگ، شەوەکی ئمڕوو، تەقە لە پیاویگ لەداڵگبوی ١٩٧٢ کردن لەناو ماشینیگ (تویوتا پیک ئاب) بوی لەبان ری تکریت- ناحیەی مکێشیفە لەناوچەی (سموم) ک وەکوتپڕ بویە هووکار کوشتنی، و تەقەکەرەیل پەنا وە وایین بردن.

وتیش: هیزە ئەمنیەیلە دویای مینەکردن و وەشوینکەفتن توەنستن تاوانکارەیل دەسگیر بکەن، و هەواڵەی دادوەری بکەن، وتیش هویردەکاریەیل رویداوەگە ها  لێکۆڵینەوە.     

لە باوەتیگتر، خود سەرچەوەگە وت: گەنجیگ ماشینەگەی کەفتە ناو چەم چەم دیجلە لە باکوور پارێزگاگە وگیانی لەدەسدا.   

سەرچەوەگە وتیش: رویداوەگە لەبان پیەڵ شەرقات لە باکوور سەڵاحەدین بوی، هەنای ماشینەگە لەدەس گەنجەگە دەرچگ وکەفتە ناو چەم دیجلە و وخنکیان گیانی لەدەسدا.