شەفەق نیوز/ سەرچەوەیگ لە پولیس قەزای دووزخورماتوو خوەرهەڵات سەڵاحەدین، ئمڕوو جمعە، خەوەردا کە کابرایگ وە گولە برای خوەی کوشتیە، لەبان پارچە زەویبگ کشتوکاڵی.
سەرچەوەگە ئەرا ئاژانس شەفەق نیوز وت: گەنجیگ لە تەمەن ٣٢ ساڵان خوازیە پارچە زەویبگ کشتوکاڵی زەفت بکەێد، براگەی لەلی بیبەش بکەێد، و بویەسە دەمەقاڵیان تا رەسیە ئەوە کە وە سێ گولە براگەی خوەی کوشت.
وتیش؛ بکوشەگە وەرەو شوین نادیاریگ وایەر و پولیس رەسیە شوین رویداوەگە و تەرم قوربانیەگە ئەرا پزشک دادوەری کەرکوک برد، و لێکۆڵینەوە لە رویداوەگە واز کرد.