شەفەق نیوز - سەڵاحەدین

سەرکردایەتی پۆلیس پارێزگای سەڵاحەدین، ئمڕوو چوارشەممە، جیوەجیکردن ئۆپەراسیۆنیگ ئەمنی وەرجەوەختە لە ناوچەی "عەین ئەرجاب" راگەیان لەناو زنجیرە چیاگەیل مەکحول، کە دەرەنجامی دەسگردن و چارەسەرکردن جیماگەیل جەنگی "رخبار" بۊ کە گلەو خوەن ئەرا ریخریاگ داعش.

سەرکردایەتییەگە لە بەیاننامەیگ فەرمی دیاری کرد، کە هێزیگ ئەمنی هاوبەش لە فەوج سوات و فەوج فریاکەفتن یەکەم و بەش نەهیشتن تەقەمەنییەیل، وە پاڵپشتی هێزیگ لە لیوای 91 لە سوپای عراقی، ئەرکیگ وەرجەوەختە جیوەجی کردن ئەرا وەشکین و ماڵین ناوچەگە، لە چوارچیوەی ئەو تەقەڵایەیلە کە ئامانجیان پاکەوکردن ناوچە سەختەیلە لە پاشماوەیل ریخریایەگە.

 بەیاننامەگە زیای کرد کە پرۆسەیل وەشکینەگە بۊنە هووکار پەیاکردن هەفت بومب و نۆ پارچەی تەقینەوە، و شارەزای تەقەمەنییەیل وەرپرسیارییەتی گردنەوەر ریکارە هونەرییە هەوەجەدارەیل گردە مل ئەرا هەڵگردن جیماگەیل و چارەسەرکردنیان، و دۊای ئەوە تەقاننیان لە خود شوین وەپەی رێنمایی و ریکارە بنەڕەتییە پەسەنکریاگەیل.

 سەرکردایەتی پۆلیس سەڵاحەدین دووپات کردە بان وەردەوامبۊن لە جیوەجیکردن ئەرکە وەرینەیل و پرۆسەیل وەشکین و پاکەوکردن وە هەماهەنگی وەرد کەرتە ئەمنی و سەربازییەیل، وە ئامانج لاوردن سەرچەوەیل رخباری و هازدارکردن کۆنترۆڵ ئەمنی و پاراستن گیان هاووڵاتییەیل و بیوەیی ناوچە ئامانجگریاگەیل.