شەفەق نیوز ـ سەڵاحەدین
سەرچەوەیگ ئەمنی لە سەڵاحەدین، ئمڕوو چوارشەممە، خەوەردا هێزە ئەمنیەیل توەنستن رانندەی بارهەڵگریگ دەسگیربکەن هنای 6 کە بیانی لە ناسنامەی پوکستانی وە شیوەی نایاسایی گواستیە.
سەرچەوەگە وە ئاژانس شەفەق نیوز وت، ئۆپراسیۆن دەسگیرکردنەگە لە بازگەی شەهید عەبدوڵلا جەبارە ئەنجام دریا، کە کەفێدە بان ری کەرکوک ـ سەڵاحەدین، هنای بارهەڵگریگ لەجویر ئیفیکۆ رەنگ رەش وسنریا لەدویای وشکین دەرچگە شەش کەس بیانی هاناوی، لە پاریزگای کەرکوک هاتنە وە نیازن ئەرا بەغدای پایتەخت بچن.
دیارکیرد، رێکار یاسایی وەرانوەر رانندە ماشینەگە و ئەو کەسەلە گیریاسە وەر، وئەرا بنکەی پۆلیس فرسا لە قەزای عەلەم کلکریان تا ریکارەیل بگرنەوەر.