شەفەق نیوز/ سەرچەوەیگ ئەمنی، ئمڕوو سێشەممە، خەوەردا لە مرافە و وەردەوەردەیگ لەناو بنکەیگ تەندروسی حکومەتی لە خوەرهەڵات شار کووت، ناوەند پارێزگای واست.
سەرچەوەگە ئەرا ئاژانس شەفەق نیوز وت: مرافە و وەردەوەردەیگ لەناو بنکەیگ تەندروسی لە ناحیەی شێخ سەعد خوەرھەڵات شار کەوت کەفتە ناوەین پزشکیگ وەگەرد سەردانکەرەیل خەسەخانەگە، لە کۆتایی دوو کەس زەخمدار بوین یەکیگیان چەوی دراوریا، وتیش؛ هیزیگ ئەمنی رەسیە ناوجیکردن و پزیشکەگە و چەن کەسیگ دەسگیر کرد.
لەلای خوەییش، فەرمانگەی تەندروسی واست وت: لێکۆڵینەوەی فراوانیگ واز کریا ئەرا رەسین وە بندروس رویداوەگە.