شەفەق نیوز/ فەرمانگەی پزشک دادوەری لە وەزارەت تەندروسی عراق، ئمڕوو دووشەممە، پووڕیان ٣٩ روفات لە قوربانیەیل پیکاتەی ئێزدی لە شنگال راگەیان، ک وەدەس ریخریاگ داعش کوشیانە.
فەرمانگەگە لە بەیاننامەیگ رەسیە ئاژانس شەفەق نیوز وت: کار پووڕیان چین پەنجەم لە قەورە تاکانەی پیکاتەی ئێزدی لە شنگال تەواو بوی، ک وەلایەن بەش پزشک دادوەری لە پارێزگای نەینەوا کل کریانە، لە بنەمای بڕیار دەسەڵات دادوەری ک شمارەیان رەسێدە ٣٩ روفات.
وتیش: فەرمانگەی پزشک دادوەری بە بەغداد گشت ریکارەیل یاسایی ئەرا دەرکردن بڕوانامەی مردن لە دادگایل پەیوەندیدار لە قەزای شنگال تەواو کرد.
فەرمانگەگە داوا لە کەسوکارەیل قوربانیەیل کرد سەردان بەش پزشک دادوەری لە پارێزگای نەینەوا لە رووژ سێشەممە لە ساعەت هەفتە شەوەکی بکەن، تا تەرم قوربانیەیل ناو لیستەگە وەربگرن.