شه‌فه‌ق نيوز/ شانه‌ى ره‌سانن ئه‌منى، جه‌خت له‌وه كرد ده‌مه‌و شه‌وه‌كى ئمڕو ناوچه‌ى سه‌وز له به‌غداى پايته‌خت تويش بۆردومانيگ مووشه‌كى هاتگه‌و زه‌ره‌ده‌يل ماددى له‌لى كه‌فته‌سه‌و.
شانه‌ى ره‌سانن له به‌ياننامه‌يگ ئه‌را ئاژانس شه‌فه‌ق نيوز وت: مووشه‌كيگ كاتيوشا كه‌فته‌سه بان يه‌كيگ له باڵه‌خه‌نه‌يل به‌تاڵ له‌ناو ناوچه‌ى سه‌وز له به‌غدا، زانياريه‌يليش ئاماژه وه ئه‌وه كردن ئه‌و مووشه‌كه له گه‌ڕه‌ك ئدريسى له جاده‌ى فلستينه‌و وه‌شرياگه و ته‌نيا زه‌ره‌ده‌يل كه‌ميگ له‌لى كه‌فته‌سه‌و له ديواره‌يل باڵه‌خانه‌گه.
جى باسه، يه‌يش له‌وه‌ختيگه ناوچه‌ى سه‌وز بڕيگ له باڵه‌خانه‌يل حكومى و باره‌گاى په‌رله‌مان عراقى ئه‌گرێده خوه‌ى بيجگه باڵيۆزخانه‌يل و نوێنه‌رايه‌تيه‌يل شماره‌يگ له ده‌وڵه‌ته‌يل.