دەسەگە لە راپۆرتیگ وت: زەویلەرزەگە 3.4 پلە بوی، و خەڵکەگە نزیک ئەو ناوچەیلە لەلی ئاگادار بوین.

لەلای خوەییش، بەش زەویلەرزەناسی وت: عراق وەماوەی تەنیا هەفت رووژ 10 زەویلەرزە توومار کرد، توانییان لە یەک پلە تا 4،5 پلەی لەبان پەیمانەی ریختەر بوی، ئەوەیش لە سێ شار عراق.

عەلی عەبدولخالق وەرپرس بەشەگە لە بەیاننامەیگ رەسیە ئاژانس شەفەق نیوز وت: زەویلەرزە لە ماوەی 20  تا 27 ئاب لە ناوچەیل هەڵەبجە و خانەقین و کەلار توومار کریانە کە رەسینە ( 16) زەویلرەزە لە دیمەیل سنوور عراق و ئیران، تونیەگەی رەسیە  ( 1 تا 4.5) پلە لەبان پەیمانەی ریختەر.

وتیش: زەویلەرزەی ئی ناوچە لە شمارەی لەرزەیلی گورجترەو بوون لە وەخت زەویلەرزەی هەڵەبجە 2017 وە تونی سووکیگ فرەیان مەردمەگە لەلی ئاگادار نیین.

عەبدولخالق وتیش: گرنگترین مدووەیل زەویلەرزەگە کەڵەکەبوین زوور لەبان شوینەیل یەکانگیر پارچە و زەنگەیل لە پارچەیل عەرەبی و ئیرانی و ئەنادۆڵی، گرنگترینیان زەنگ سیروان دیالە و کەرکوک.