شەفەق نیوز/ دادگای نەهیشتن تاوانەیل رەسافە، ئمڕوو دووشەممە، بڕیار زیندانیکردن هەمیشەیی لەبان چوار توومەتبار دەرکرد، لەبان کردەوەی خراوکردن لویلەی نەفت خام لە میسان.
ناوەند راگەیانن ئەنجومەن دادوەری باڵا لە بەیاننامەیگ رەسیە ئاژانس شەفەق نیوز وت: ئەو تاوانکارەیلە ئاشکرای تاوان خوەیان وە رێککەفتن و بەشداری لە کوناکردن لویلەی نەفت خام لە ناوچەی قەلعەت ساڵح کردنە، و لویلەیگ ئەرا دراوردن و قاچاخی نەفت دروس کردنە.
وتیش؛ دادگا بڕایرەگەی لە بنەمای مادەی ٦/١ یەکەم و دویەم لە یاسای سزادان قاچاخکردن نەفت شمارە ٣١ ئەرا ساڵ ٢٠٠٨ دەرکرد.