شەفەق نيوز- بەغداد
راگەیانن دادوەری عراق، ئمڕوو دووشەممە، خەوەردا کە دادگای تاوانەیل کەرخ لە بەغداد، فەرمان زیندانیکردن سەخت لەبان تاوانباریگ دا وە توومەت هەڕەشە و چزداین دویەتیگ.
لە بەیاننامەیگ رەسیە ئاژانس شەفەق نیوز وت: دادگای تاوانەیل کەرخ فەرمان پەنج ساڵ زیندانی لەبان کابرایگ دەرکرد لە تاوان چزداین دویەتیگ وە هەڕەشەی بڵاوکردن ونیەیلی لەبان سۆشیال میدیا.
تاوانکارەگە هەڕەشەی دویەتە داگە و داوای پویل لەلی کردگە، وەرانوەر ئەوە وینەیلی لەبان سۆشیال میدیا بڵاو نەکەێد، و بڕیارەگە وەپەی مادە 430 / 1 لە یاسای سزادان عراقی دەرچگ.