شەفەق نیوز/ وەڕێەوبەر پۆلیس قەزای شەترە باکوور پارێزگای زیقار، ئمروو سێشەممە، قورتارکریا لە تەقەلای تیرۆرکردن شکستخواردگ لەناو خەسخانەی گشتی شەترە.  

سەرچەوەیگ ئەمنی وە ئاژانس شەفەق نیوز خەوەردا، " کۆمەڵیگ چەکدار سەر وە ئیڵیگ ک شمارەیگ لەلیان زەخمداربۊی لە مەرافیگ ئیڵی ک لە دیروەختیگ لەشەو دوشەممە رۊداۊ رۊیوەرۊ وەڕێەوبەر پۆلیس قەزای شەترە عەمید حاتەم شەمخی  بۊنەو لەناو خەسخانەگەی گشتی قەزاگە، تەقەلای تیرۆرکردنی دریا وە چەک چەرمگ. 

وتیش، " شەمخی قورتاری بۊیە لە تەقەلای تیرۆرکردن دۊای ئەوەگ کۆمەڵە چەکدارەگە رۊیوەرۊ ئەفسەریگ ئەمنی بۊن ک وەگەرد وەڕێەوبەر پۆلیس قەزاگە بۊ ، تۊش زەخمداری سەختیگی کردن. 

سەرچەوەگە دیاریکرد، "هێزەیل ئەمنی فرەیگ ئاخڵەی شۊن رۊداوەگە دان، تاوانبارەیل دەسگیر کردن دۊای ئاخڵەدانیان لەناو خەسخانەی قەزاگە".