شەفەق نیوز/ سەرچەوەیگ ئەمنی، ئمڕوو یەکشەممە، خەوەردا ک کەسەیلیگ چینە ناو مەکتەو "یەعسوبدین" بنەڕەتی لە باکوور پارێزگای زیقار، و مامووستایگ لەناوی زەخمدار کردن.

سەرچەوەگە ئەرا ئاژانس شەفەق نیوز وت: مرافەیگ ناوبەین خاوەن مناڵەیل مەکتەوەگە لە ئاوای عگوب لە قەزای رفاعی، هیشت بچنە ناو مەکتەو مناڵەیلیان، و وەگولە زەخمدار مامووستایگ کردن دویای ئەوە ک وە داریگ سەری زەخمدار کردن.

سەرچەوەگە وتیش: ئەوە پەلامارە لەوەر مرافەیگ ناوبەین باوگەیل فێرخوازەیل و مامووستاگە لەبان پارچە زەوییگ بویە.

لە باوەتیگتر، دادگای نەهیشتن تاوان زیقار، سزای ١٥ ساڵ زیندانی لەبان تاوانکاریگ دەرکرد، لەبان تاوان کوشتن هاووڵاتییگ لە ناوچەی حەی سۆمەر، لە شار ناسریە، وەگورەی مادەی ٤٠٦ لە یاسای سزادان عراق.