شەفەق نیوز/ دەزگا ئەمنیەیلە لە پارێزگای زیقار، ئمڕوو سێشەممە، دوو خوەیکوشتن و مردن زیندانییگ وە توومەت تیرۆر توومار کردن.

سەرچەوەگە ئەرا ئاژانس شەفەق نیوز وت: گەنجیگ لە تەمەن ١٨ ساڵان لەناو ماڵەگەی لە قەزای قەلعەت سکەر باکوور زیقار وەگولە خوەی کوشت، وتیش؛ هووکار خوەیکوشتنەگە لەوەر زوور دەروینی لە خوەنەواری بویە.

سەرچەوەگە وتیش: دویەم خوەیکوشتن ژنیگ لەناو تەمەن سی ساڵان بوی، لەوەر خواردن ژەهر مویش لەناو ماڵەگەی لە قەزای شەترە باکوور قەزای زیقار توومار کریا، دیاری کرد ک کەسوکاری توەنستن بڕەسننەی خەسەخانە و قورتاری بکەن، و تا ئیسە هووکارەیل خوەیکوشتنی دیاری نەکریا.

لەلاییگتر، زیندانییگ لە تەمەن ٣٤ ساڵ لەناو زیندان ناوەندی ناسریە (حووت) لە باشوور خوەرئاوای پارێزگاگە مرد، وتیش: ئەو زیندانیە خەڵک بەغدادە و فەرمان وەسێدارەدان وە توومەت چوار تیرۆر دریاگە.