شەفەق نیوز - بەغداد
عەلی فالح زەیدی سەرۆک وەزیرەیل عراقی، شەوەکی زۊ دووشەممە، پایتەخت بەغداد وەجی هیشت و وەرەو ویلایەتە یەکگرتگەیل ئەمریکی چگ، یەیش لە سەردانیگ فەرمی وە سەرۆکایەتی شاندیگ گەورەی حکومی و ئابووری.
ئاژانس شەفەق نیوز، دەسی رەسیە لیست ناوەیل شاندە حکومییەگە کە یاوەری زەیدی کەن، کە پەنج وەزیر و پەرلەمانتار و راوێژکارەیل لەخوەی گرێد.
گفتوگۆ و دیدارەیل کە لە سەردانەگەی زەیدی ئەرا واشنتۆن کریەن، پشت وە رێککەفتن چوارچیوەی ستراتیژی ناوەین عراق و ویلایەتە یەکگرتگەیل بەسن، و رووشنایی خەنە بان قایمکردن هاوکاری لە شمارەیگ لە دۆسیەیل، دیارترینیان وزە و ئابووری و بەرهەمهاوردن و گەشەپیداین و پەروەردە.
دیدارەیل سەرۆک وەزیرەیل عراقی وەگەرد ئەندامەیل لە کۆنگرێس ئەمریکی لەخوەی گرێد، وەگەرد بەشداریکردنی لە کۆنگرەیگ کەنداوی لە پایتەخت ئەمریکی ئەرا باسکردن لە دەرئەنجامەیل جەنگ ئیرانی.