شەفەق نیوز - بەغداد
سەرچەوەیگ حکومەتی، رووژ سێشەممە، خەوەردا کە سەرۆک وەزیرەیل عراقی عەلی فالح زەیدی، سوو چوارشەممە، سەردانیگ فەرمی ئەرا پایتەخت لوبنانی بەیروت ئەنجام دەێد.
سەرچەوەگە ئەرا ئاژانس شەفەق نیوز وت، کە سەردانەگە باس میکانیزمەیل هازدارکردن هەماهەنگی هاوبەش لە ناوەین بەغداد و بەیروت و دۆسیە ئەمنی و ئابوورییەیل لەخوەی گرێد، وە تایوەت لە سای ئەو ئاڵنگارییەیل ئیسە کە ناوچەگە وەخوەی دوینێد.
زەیدی جۊلە هەرێمییەیلی دەس وەپی کرد وە سەردان عەرەبستان سعودی لە 14ی تشرین یەکەم/ ئۆکتۆبەر 2026، وەختیگ چەوی کەفتە جینشین محمد بن سەلمان، و لە دۊای ئەوە سەردانیگ ئەرا ئوردن لە 26 لە خود مانگ، کە لە ماوەی چەوی کەفتە پاشا عەبدولڵای دۊەم، و دۊای دوو رووژ ئەرا سووریا، کە دیداریگ وەرد سەرۆک ئەحمەد شەرع ئەنجام دا، وەرجە ئەوەگ وەرەو بەحرەین بچوود لە 4 تشرین دۊەم/ نۆڤەمبەر ئیسە، لە سەردانیگ کە وە یەکەم سەردان سەرۆک وەزیرەیل عراقی ئەرا مەنامە لە ساڵ 2003ەو هەژمار کریا.
ئی جۊلەیلە وەردەوامن وە سەردان لوبنان دۊای دۊاخستن ئەو سەردانەگای کە بڕیار بۊ ئەرا کوەیت بوود لە 8 تشرین دۊیەم/ نۆڤەمبەر ئیسە، و یەیش لە رێڕەویگ کە هاووەختە وەرد ئاڵشتکارییەیل هەرێمی کە ئەو جەنگە لەبان ئیران چەسپانەی کە لە 28 شوبات/ فێبرایەر 2026 دەس وەپی کرد، و ئەوەگ یاوەری بۊ لە ئاڵشتکارییەیل لە هاوسەنگییەیل هێز و رخەیل لەباوەت ئایەندەی ئاسایش و هاوپەیمانییەیل و رێڕەو بازرگانی و وزە.