شەفەق نیوز- بەغداد

حکومەت عراقی، رووژ دوشەممە، راگەیان لە ئەنجامداین رێوڕەسمەیل جیاوەکردن پەیوەندی سەربازی ئەرا یەکەیل پاراستن شەنگال (یەپەشە)، و تیکەڵکردنی لەناو دەزگا فەرمییە عراقییەیل، و ئاڵشتکردن وەرپرسیاریەتی ئەمنی لە کویەی شەنگال ئەرا دەسەڵاتە فیدراڵییەیل، وە سەرپەرشتی و وەدۊاداچگن فەرماندەی گشتی هیزە چەکدارەکان عەلی فالح زەیدی.

 قسەکەر وەناو فەرماندەی گشتی سەباح نوعمان، لە بەیاننامەیگ کە رەسیە ئاژانس شەفەق نیوز وت، کە ئی گامە تیەێدە ناو ریڕەو حکومەتەگە و بەرنامەی ئەرا گیرهاوردن چەک وە دەس دەوڵەتەو، و دامەزرانن بنڕەتیگ نوو لە وەرپرسیاریەتی ئەمنی لە قەزای شەنگال.

حکومەتەگە ئەو قوربانییەیلە نرخان کە رووڵەیل پێکهاتەی ئێزیدی لە وەرگریکردن لە عراق پیشکەشی کردنە، وەتایبەت قەزای شەنگال، لە رویوەڕویبۊن تیرۆر، وە دووپاتکردن پابەندبۊنیان وە نەگۆڕە نیشتمانییەیل و دەستوور کە قەیەغەی دروسکردن گرووپەیل سەربازی لە دەیشت چوارچیوەی هێزە چەکدارەیل کەێد.

حکومەت فیدراڵی وەرپرسیاریەتی تەواوەتی خوەی دووپات کرد لەبان پاراستن مافەیل رووڵەیل پێکهاتەی ئێزیدی کە جەنگ وەرد تیرۆر کردن و رویوەڕویی بۊنەو، و شەهیدەیل و زەخمدارەیل پیشکەش کردن، وە دووپاتکردن لەبان پابەندبۊنی وە قەرەبووکردن کەسوکار قوربانییەیل و زەرەدمەنەیل لە پەلامارە تیرۆریستییەیل، و کارکردن لەبان دووارە ئاوەدانکردن قەزای شەنگال.

 قەزای شەنگال ئاڵووزییەیل ئەمنی وەخوەی دی کە لە بڕیگ وەخت رەسیە رویوەڕویبۊنەیل چەکداری لە ناوەین "یەکەیل پاراستن شەنگال" و هێزەیل سوپای عراقی، وەرجە ئەوەگ بڕەسنە رێککەفتنیگ ئەمنی لە 22 ئازار / مارس 2025، کە بڕیار هەڵگردن چادرەیل مانگردگەیل دەێد کە لە ماوەیگەو هەڵدریاۊن، وە ناڕەزایەتی دەربڕین لەبان رویوەڕویبۊنە چەکدارییەیل و بۊین هێزە سەربازییە فیدراڵییەیل لە قەزای شەنگال.