شەفەق نیوز - بەغداد

چەوەڕی کریەێد عەلی زەیدی، سەرۆک ئەنجومەن وەزیرەیل عراقی رووژ چوارشەممەی ئایندە گەردینیگ کەنداوی ئەنجام بەێد کە شانشین عەرەبی سعوودی بگرێدەو، و دۊای ئەوەیش روی بکەێدە دەوڵەت کوەیت.

سەرچەوەیگ حکومی ئاگادار ئەرا ئاژانس شەفەق نیوز وت، کە زەیدی وەرد دەوڵەتەیل کەنداو باس لە دۆسیەیل ئەمنی و ئابووری هاوبەش کەێد و هەرلیوا رەوش ناوچەگە و کاریگەری لەبان رەوشەیل ئەمنی و ئابووری، بیجگە لە باوەتە هاوبەشەیل لەبان ئاستە جیاوازەیل.

سەرچەوەگە دیاری کرد کە زەیدی لە گەردینی دووپات کەێد لە رەتکردن عراق ئەرا وەشانن هەر گورزیگ کە لە خاک خوەیەو دەس وەپی بکەێد ئەرا بان هەر کام لە دەوڵەتەیل کەنداو و ناوچەگە، و حکوومەتەگەی خاوەو نیەوود لە پرسیارکردن وەرد هەر لایەنیگ کە دەسی لەی جوورە کارەیل بەزانن سنوورە بوود.

ئی گەردین چەوەڕیکریاگە دۊای هەڵوەشانن سەردانیگ تیەێد کە بڕیار بۊ زەیدی ئەرا ریاز ئەنجامی بەێد لە تەمموز/ یۆلیۆی گوزەشتە، لەبان رویداوەیل ئەمنی لە ناوچەگە.

پەیوەندییەیل عراقی - کەنداوی رەوشیگ لە چەوەڕی و وریایی وەخوەیەو دۊنێد لە وەخت دەسکردن کارە سەربازییە هەرێمایەتییەیل لە شوبات/ فێبرواری 2026ـەو، لەناو تەمەتبارکردن وەردەوام لەلایەن دەوڵەتەیل ناوچەگە ئەرا بەشە چەکدارەیل وە وەکارهاوردن خاک عراق ئەرا وەشانن پەلامار وە فڕۆکەی بیفڕۆکەوان کە بەرژەوەنییە ئابوورییە هەرێمییەیل کردۊدە ئامانج.