شەفەق نیوز - بەغداد

فەرماندەی گشتی هێزە چەکدارەیل عەلی فالح زەیدی، رووژ یەکشەممە، دووپات کرد لە وەردەوامبۊن حکومەت لە پلانەیل چەسپانن دەسەڵات دەوڵەت و جیوەجیکردن یاسا و نواگیریکردن گەندەڵی، و رۊوەرۊبۊن پرۆسەیل دەسدریژی لەبان سامان نیشتمانی لە گشت ناوچەیل عراق.

یەیش لە مەوقەی پێشوازیکردن زەیدی لە سەرۆک دەسەی حەشد شەعبی فالح فەیاز هات، وەختێگ هەردوگ لا باس لە وەرەونواچگنەیل رەوشە ناوخۆیی و دەیشتییەیل کردن، و گرنگی هازدارکردن سەقامگیری لە وڵاتەگە، وەپەی بەیاننامەیگ کە ئەرا ئاژانس شەفەق نیوز رەسیە.

سەرۆک وەزیرەیل، لە مەوقەی چەوپێکەفتنەگە دووپات کردە بان گرنگی هازدارکردن سەقامگیری وە شیوەیگ کە پاڵپشتی جیوەجیکردن بەرنامە حکومەتییەیل بکەێد لە بوارەیل گەشەپێدان و ئابووری و بەرهەمهاوردن.

هەمیش چەوپێکەفتنەگە باس لە بەرنامەیل پەرەپێداین هێزە چەکدارەیل وە جۊر و پێکهاتە جیاجیایلی کرد، لە ناویان پێکهاتەیل حەشد شەعبی.