شەفەق نيوز- بەغداد 

وەزارەت ناوخۆی عراق، ئمڕوو یەکشەممە، ئاشکرا کرد کە گرووپیگ چەکدار پەرد بوینەسە ناو فەرمانگەیج حکومەتی لە بەغداد، و تەقەکردن وەگەردیان بویەسە مدوو زەخمداری ئەفسەریگ و دوو ئەندام.

وەزارەتەگە لە بەیاننامەیگ رەسیە ئاژانس شەفەق نیوز وت: وەزارەت ناوخۆ دووپات کەێد کە ری نیەێد وە هیچ دەسدرویژیکردنیگ وڵباە دامودەزگایل دەوڵەت یا هەڕەشەدان دەسەڵات یاسا، و سام دەوڵەت و سەروەری یاسا وە کڕیگ سوور زانێد.

 وتیش: لەی رویەو، یەکیگ لە فەرمانگەیل وەزارەت کشتوکاڵی، شەوەکی ئمڕوو، رویداویگ ێخبار وەخوەی دی، وەگەرد دەسەوکاربوین وەڕیەوبەر نوویگ وە کارەیلی، کە گرووپیگ چەکدار پەرد بوینەسە ناو بینای فەرمانگەگە نووسەر گردەوبوینیگ ئیداری، کە زیڕە خستە ناو ئە. فەرمانبەرەیلە کە پەنا وە هیزەیل ئەمنی بردن.

دیاری کرد کە مەفرەزەیل پولیس فیدڕاڵی و پولیس گەرم رەسینە شوین رویداوەگە، و چەکدارەیل تەپە لەلییان کردن، کە بویە مدوو زەخمداری شمارەیگ لە ئەفسەر و ئەندامەیل پولیس.

  وتیش: هیزە ئەمنییەیل توەنستن پەنج لەو چەکدارەیلە بگرن، و ئۆپراسیۆن ئەمنی خەسیگ لە ناوچەگە وەردەوامە، ئەرا وەشوینکەفتن تاوانکارەیل.

دویای ئەوە، وەزارەتەگە بەیاننامەیگ ترەک دەرکرد لەناو دووپات کرد کە لە چوارچیوەی وەشوینکەفتن وەردەوام لە رویداوەگەی شەوەکی ئمڕوو، لەناو یەکیگ لە فەرمانگەیل وەزارەت کشتوکاڵی لەلای کەرخ بەغداد، وەزارەت ناوخۆ دەسگیرکردن شمارەیگ لەو توومەتبارەیلە راگەینێد، کە تا ئیسە شمارەیان رەسیە چوار کەس لە چەکدارەیل.

وتیش: هیزەیل ئەمنی وەردەوامن لە وەشکین و وەشوینکەفتن وە سەرپەرشتیاریی فەرماندەیل باڵا، ئەرا وەشوینکەفتن تاوانکارەیل.