شەفەق نيوز- نەینەوا
سەرچەوەیگ ئەمنی لە نەینەوا، ئمڕوو چوارشەممە، خەوەردا لە زەخمداری سێ سەرباز لە سوپای عراق، لە ئەنجام تەقیان بومبیگ دانریاگ وەبان کاروانیان مەوقەی جیوەجیکردن ئەرکیگ هاوبەش لە باشوور پارێزگاگە.
سەرچەوەگە ئەرا ئاژانس شەفەق نیوز وت: بومبەگە مەوقەی جیوەجیکردن ئەرکیگ هاوبەش لەلایەن بڕەیلیگ لە لیوای 43 لە سوپای عراق وەگەرد بڕیگ لە ئەنسار مەرجعیە لە دەزگای حەشد شەعبی، لە کەرت ئۆپراسیۆنەیل جەزیرەی حەزەر لە باشوور خوەرئاوای سی شار موسڵ تەقیەو.
دیاری کرد کە تەقینەوەگە بویە هوکار زەخمداری سێ سەرباز، ئەرا خەسەخانەیگ نزیک بریان، و هیزەیل ئەمنی لێکۆڵینەوە واز کردن تا بزانن ئی بومبە هن جیماگەیل ئۆپراسیۆنەیل سەربازی وەرینە یا لە نوو نریاس.