شەفەق نیوز - نەینەوا
سەرچەوەیگ ئەمنی لە پارێزگای نەینەوا، ئمڕوو شەممە، خەوەردا لە زەخمداربۊن شەش کەس و زەرەدمەنبۊن ژمارەیگ لە ماشینە مەدەنییەیل، وە مدوو تەقینەوەی ئامێر گەرمکردن ئاو "بۆیلەر" لەناو کارگەیگ ئەرا بەرهەمەیل شیرەمەنی لە لای راس شار موسڵ.
سەرچەوەگە، ئەرا ئاژانس "شەفەق نیوز" وت، کە "ئامێر (بۆیلەر) تەرخانکریاگ ئەرا کوڵانن ئاو لەناو کارگەگە تەقیەسەو، ئەوەیش بۊسە مدوو زەخمداربۊن شەش مەدەنی وە زەخمدارییەیل جیاجیا، وەگەرد رەسین زەرەدەیل ماددی وە شمارەیگ لە ماشینە مەدەنییەیل وسیاگ لە دەورگەرد شوینەگە".
سەرچەوەگە زیاتر وت، کە "تیمەیل وەرگری شارستانی دەسوەجی رەسینە شوین رۊیداوەگە و تۊنستن کۆنتڕۆڵ لەبان ئەو ئاگرە بکەن کە لە تەقینەوەگە کەفتۊەو و وە وەختیگ پەیمانەیی کپەی بکەن، لە وەختیگ مەفرەزەیل فریاکەفتن هەسان وە گواستنەوەی زەخمدارەیل ئەرا خەسەخانە نزیکەگە ئەرا وەرگردن چارەسەر، و دەسەڵاتەیل تایبەتمەن لێکۆڵینەوەیگ واز کردن ئەرا زانستن چۊنیەتییە هونەرییەیل رۊیداوەگە".