شەفەق نیوز/ سەرچەوەیگ ئەمنی، ئمڕوو جومعە، خەوەردا لە توومارکردن زەخمداری وە رویداوەیل جیاواز لە زیقار و سەڵاحەدین.

سەرچەوەگە وە ئاژانس شەفەق نیوز وت، " بومبیگ دروسکریاگ ناوخوەیی خریاسە ماڵ هاوڵاتیگ لە قەزای رەفاعی، تەنیا بویە هووکار زەرەد مادی هویچ زەرەدیگ  گیانی نەویە".

سەرچەوەگە وتیش، " لە رویداو دویەم ک لە ری مابەین رەفاعی و کۆمپانیای پترۆس نەفتی لە ناوبەین دوو ماشین رویدایە، رویداوەگە بویە هوکار زەخمدار  چوار کەس وە سەختی ک ئەرای خەسخانەی گشتی رەفاعی کلکریانە ئەرا چارەسەر پێویست".

هەر لەو باوەتە، دوو زاڕوو تویش زەخمداری بوینە وە رویداو هاتوچو  لە مابەین دوو ماشین لە ری دەوروگەرد قەزای بەلەد باشوور سەڵاحەدین.

سەرچەوەگە وتیش، هوکار رویداوەگە چوودەو ئەرا تونی فرەیگ و وریانەبوین  هەردگ رانندەگە بویە هوکار ئەوەگ یەکیگ لە ماشینەیلە ئەرا کەنار ریەگە دەرچوود.