شەفەق نیوز/ سەرچەوەیگ پزیشکی، ئمڕوو سێشەممە، خەوەردا لە زەخمداریبوین سووکیگ پەنج کەس لەوەر خوەشیکردن وە بردنەوەی کاندیدیگ هەڵوژاردنەیل ناوخوەیی لە باشوور مووسڵ.
سەرچەوەگە وە ئاژانس شەفەق نیوز وت، پەنج مەدەنی تویش زەخمداری سووکیگ بوینە وە تەقەکردن لە ئاوای "حاج عەلی" لە باشوور مووسڵ لەوەر بردنەوە و وەدەسهاوردن بەرزترین دەنگ لە ناوچەگە لە دویای کۆتایهاتن دەنگداین گشتی.
سەرچەوەگە وتیش " زەخمدارەیل ئەرا خەسخانە کلکریانە".