شەفەق نیوز/ سەرچەوەیگ ئەمنی، شەوەکی ئمڕوو شەممە، خەوەردا لە کۆنتڕۆڵکردن هیزەیل ئەمنی عراق، لەبان جەنگ و مرافەیگ هووزانە لە شار ناسریە ناوەند پارێزگای زیقار، دویای زەخمداری ٧ کەس ئەفسەریگ پایەبەرز هاناویان.
سەرچەوەگە ئەرا ئاژانس شەفەق نیوز وت: ئەو جەنگ و مرافەی هووزانە کەفتە ناوەین هووز زهێریە لە خوەرهەڵات ناسریە، و دویای دەسوەردان چەن لایەنیگ ئەمنی جویر لیوای ١٣ی پولیس فیدڕاڵی کۆنترۆڵی کریا.
وتیش: هوکارەیل قومیان مرافەگە تا ئیسە نەزایایە، و چەن ماشینیگ حکومەتی ئەمنی کەفتە وەر گولە و زەردە وەپیان رەسێد.
سەرچەوەگە دیاری کرد ک لە لەناو زەخمدارەیل، سێ کەس لە لایەنەیل جەنگەگە، و سێ کەسیش ریوار لەبان ری گشتی، وەرجەیەگ ناخڵەی ناوچەگە بیەن و وەتەواوی کۆنتڕۆڵی بکەن.