شەفەق نیوز/ سەرچەوەیگ ئەمنی لە دیالە، ئمڕوو دووشەممە، خەوەردا ک گەنجیگ زەخمدار سەختیگ بوی، دویای ئەوەگ تەقەلا دا خوەی بکوشێد.
سەرچەوەگە ئەرا ئاژانس شەفەق نیوز وت: گەنجیگ لەداڵگبوی ٢٠٠٣ تەقەلا دا وەگولە بەێد لەسەر خوەی، ئەوەیش لە گەڕەک حوسەین لە قەزای موقدادیە، وەلێ کەسوکارەیلی پەیوەندی وە فریاکەفتن و هیزە ئەمنیەیلە کردن، وبریا خەسخانە.
وتیش: گەنجەگە هیمان زنیە، و تەندروسیی بەدە.
دیالە لە نیمەی یەکەم ئی ساڵە، ٣٠ تەقەلای خوەیکوشتن لە پارێزگاگە توومار کرد.