شەفەق نیوز/ سەرچەوە ئەمنیێگ لە پارێزگا دیالە، ڕووژ یەکشەممە، راگەیان  دوو ئەندام ئەمنی زەخمدار بۊین و کامێرا گەرمیێگیش وە پەلامار شەوانەی شەممە وەلایەن داعش لە دەورو وەر ناوچەی عەبارە باکور خوەرئەڵات بەعقوبە شکیا.    

سەرچەوەگە وە شەفەق نیوز وت:  قەناس داعشێگ دایە لە کامێرای گەرمی بنکەی پۆلیس  لە ئاوای زەهرا لە دەورو وەر ناحیەی عەبارە  ئەندام پۆلیسەێلە وەڵام ئەو پەلامارە دانە.  

وتیش:"هێزێگ لە کاردانەوەی تۊن لە دەورو وەر بنکەی پۆلیس لە باخەێل دەورو وەر دەسکردنە گەردین وە شۊین هێرشوەرەێل و تەقە لەیەک کردنە، هەر لەوەر ئەوە دوو ئەندام کاردانەوەی تۊن زەخمداربۊین و هێرشوەرەێلە وەرەو ناوچە دوورەێلە ئەڵهاتن".   

 ناوچەی عەبارەلە 15 کیلۆمەتری باکوری ڕۆژهەڵاتی بەعقوبە ها لەژیر هێرش و پەڵامارەێل داعش، لەوەر ئەوە  جەنگاوەرە شاریایەێل داعش هالە ئاوایە کشاوەرزیێلە و  باخەێل.