شەفەق نیوز/ سەرچەوەیگ ئەمنی وەرپرس، ئمڕوو یەکشەممە، خەوەردا لە زەخمداربوین ئەندامیگ لە حەشد شەعبی وە تەقینەوەیگ لە نزیک ئەو شوونە ک دوێەشەو پەلاماریگ لەلایەن ریخریاگ داعش لە پارێزگای سەڵاحەدین وەخوەی دی.

سەرچەوەگە ئەرا ئاژانس شەفەق نیوز وت؛ شەوەکی ئمڕوو بومبیگ لە نزیک کەرت عیس لە خوەرهەڵات سەڵاحەدین تەقیەو، و بویە هووکار زەخمداربوین ئەندامیگ لە حەشد شەعبی.

دوێەشەو لە وەخت دیریگ ئەندامەیلیگ لە ریخریاگ داعش پەلامار هێزەیل حەشد شەعبی لە کەرت عیس لە ناحیەی حەمرین سەروە قەزای دۆر لە سەڵاحەدین دان، و بویە هووکار ١١ قوربانی و ١٠ زەخمدار لە حەشد، لەناونیان ئەبو عەلیا حەسناوی فەرماندەی فەوج سێیەم سەروە لیوای ٢٢ لە حەشد بوی.