شەفەق نیوز/ رمیان بینایگ لەژیر دروسکردن، ئمڕوو یەکشەممە، بویە هوکار گیرهاتن بڕیگ کراکار لە ژیر رمیایەگە، و تیمەیل وەرگری شارستانی دەسکردنە رزگارکردن.
وەزارەت ناوخۆ لە بەیاننامەیگ رەسیە ئاژانس شەفەق نیوز وت: تیمەیل وەرگری شارستانی رەفتار وەرد رویداو رمیان بینایگ لەژیر دروسکردن نزیک یاریگای شەعەب کەن لە بەغداد پایتەخت.
بەیاننامەگە وتیش: تیمەیل رزگارکردن توەنستن شمارەیگ لە کراکارەیل درارن، و هیمان مینەی کەسەیلیگ لەژیر رمیایەگە کەن.
هەرلیوا، سەرچەوەیگ ئەمنی ئەرا ئاژانس شەفەق نیوز وت: ئەو بینا ک لە بەغداد رمیا پڕۆژەی مۆڵ بویە.
سەرچەوەگە وتیش: رمیانەگە بویە هوکار زەخمداری ٨ کراکار فرەیان زەخمیان سەختە.