شەفەق نیوز/ سەرچەوەیگ ئەمنی، ئمڕوو چوارشەممە، خەوەردا لە زەخمداری 9 دویەت خوەنەوار، لە ئەنجام رویداو پلیان پاسیگ لەبان ری دیوانیە باشوور عراق.
سەرچەوەگە ئەرا ئاژانس شەفەق نیوز وت: پاسیگ بویچگ دویەتەیلیگ خوەنەوار هەڵگردوێد، لەبان ری نەجەف - دیوانیە تویش لادان هات و پلیا، کە بویە هوکار زەخمداری 9 دویەت خوەنەوار، لە زەخمداری سووک و ناوڕاس.
سەرچەوەگە دیاری کرد کە تیمەیل ئەمنی و پزشکی رەسینە شوین رویداوەگە ئەرا پیشکەشکردن فریاکەفتن سەرتایی ئەرا زەخمدارەیل، ئمجا ئەرا خەسەخانە بریان.