شەفەق نیوز/ سەرچەوەیگ ئەمنی، ئمڕوو جومعە، خەوەردا لە زەخمداری 7 کەس وە تەقینەوەیگ ک لەناو ماڵیگ رویدایە لە قەزای کووفە لە باکوور پارێزگای نەجەف.
سەرچەوەگە وە ئاژانس شەفەق نیوز خەوەردا، " کابرایگ بومبیگ وشانیە ئەرا ناو ماڵ کەسیگ لە جادەی مەعمەل لە قەزای کووفە باکوور پارێزگای نەجەف، بویە هووکار زەخمداری سەختیگ 7 کەس.
ئاشکەرایکرد " هووکارەگەی چوودەو ئەرا گیچەڵیگ لەناوەبین هەردگ لا، و زەخمدارەیلیش ئەرا خەسخانەی نزیکیگ کلکریانە تا چارەسەر پێویست وەربگرن".