شەفەق نیوز ـ نەینەوا
سەرچەوەیگ ئەمنی لە نەینەوا، ئمڕوو پەنجشەممە، خەوەردا لە زەخمداری چوار کەس لە هاندەرەیل یانەی وەرزشی موسڵ وە مدوو تویشهاتن وە رویداو هاتوچوی لەبان ری موسڵ ـ هەولێر.
لە پارچە ڤیدیۆیەیلە لەبان پلاتفۆرمەیل کۆمەڵایەتی بڵاوبوویە، نیشان دا ماشین بویچگیگ لەوەخت شەو لەیەکەودەێد وەرد بارهەڵگر گەپپیگ، مەوقەی گلەوخواردن هاندەرەیل لە پارێزگای هەولێر، دویای هاندان یانەگەیان لە بازی وەرانوەر وە یانەی کەربەلا.
هویچ روشنکردیگ فەرمی نەدریاگە وەلایەن ئیدارەی یانەی موسل یا سایت هاندەرەیل لەباوەت هویردەکاری رویداوەگە و بارودۆخ تەندروسی زەخمدارەیل، تا وەخت دارشتن ئێ خەوەرە.