شەفەق نیوز/ وەزارەت تەندروسی عراق، ئمڕوو دووشەممە، راگەیان زیاتر لە 500 تاسیان لە سەرانسەر ولات توومارکریایە لەوەر شەپوول خوەڵوارینەگەی دویکە یەکشەممە.
سەیف بەدر قسەکەر وەزارەتەگە لە بەیاننامیگ رووژنامەوانی ک رەسیە وە ئاژانس شەفەق نیوز وت: شمارەی تاسیانەیل ک وە مدووی ئەو شەپوول خوەڵوارینەبوی ک وە وڵاتەگە رەدبوی، زیاتر لە 500 تاسیانەیل جوراوجویر لە گشت پارێزگایەیل عراق توومارکریایە، و گشت پسایەیل چارەسەر وەرگردنە و خاسەوبوینە وەبی ئەوەی مردن توومار بکرێد.
عراق لەماوەی مانگ نیسانەوە تا ئیسە رویوەروی شەپولەیل خوەڵوارین تێد لەوەر کەم وارانی و ،وەبیاوانبوین و ئەو هشکی سەختە ک بویەسە هووکار ئاڵشتبوین کەشوهەوا لە وڵاتەگە.