شەفەق نیوز ـ بەغداد
دەزگای نیشتیمانی عراقی، ئمڕوو دووشەممە، پویچەوکردن ئۆپراسیۆنیگ قاچاغکردن گەپیگ نووشەمەنی کحولیەیل و دەسگردن وەبان ئەماریگ کە لە 27 هەزار کارتۆن پێکهاتبوی و دەسگیرکردن شمارەیگ توومەتبار لە شمارەیگ پارێزگا راگەیان.
دەزگاگە لە بەیاننامەیگ رەسیە ئاژانس شەفەق نیوز راگەیان، مەفرەزەیل لە پارێزگای ئەنار وەبان بنەمای زانیاری هەواڵگێریەیل و رەزامەن دادگا، کولە دانا لە ئەنجام سێ توومەتبار دەسگیرکریا کە ماشین لە جویر "ترێلە" بارهەڵگریگ نووشەمەنی کحولیەیل رانینە.
وتیش؛ مەفرەزەیگ لە کەرکوک دەسگردیە وەبان ماشینیگ کە 850 کارتۆن نووشەمەنی کحولی نایاسایی هەڵگردبوی، هەمیش مەرزەگە لە موسەنا یەکیگ لە داواکارەیل لە دادگای سەماوە وەپای مادەی 28 لە یاسای نووشەمەنی کحولیەیل دەسگیرکرد.
دیاریکرد، مەفرەزەیل وەبان زانیاریەیل لە وەڕێوەبەرایەتی ئاسایش موسەنا، توەنستن دەسبگرن وەبان گەپترین ئەمار نووشەمەنی کحولی لە ناوچەی کەرادەی بەغدا، کە ئامادەکریابوی ئەرا پارێزگایەیل ناوڕاس و باشوور، کە لە 27 هەزار کارتۆن پێکهاتبوی، وەگەرد بڕە پویل گەپیگ و چەکەیل جوراوجویر.
لە بەیاننامەگە وتیش، شەش توومەتبار عراقی و بیانی دەسگیرکریا لەناو ئەمارەگە، دووپاتکرد گشت توومەتبارەیل ماشینەیل و دەسوەبان گیریاگەیل ئەرا لایەنەیل تایوەت کلکریان تا رێکار یاسایی وەرانوەریان بگیریەدەوەر.