شەفەق نیوز - بەغداد
رویکردن خوەپیشاندەرەیل، ئمڕوو یەکشەممە، وەرەو گۆڕەپان تەحریر لە ناوڕاس بەغدای پایتەخت وەردەوامە ئەرا زینگەوکردن یاد هەفتەم ئەرا ناڕەزایەتییەیل تشرین، لە وەختیگ شمارەی بەشداربۊیل لە سەدەها کەس رەد کرد لەناو بەرزەوبۊنیگ لە ئاست داواکارییەیل و ریکارە ئەمنییە تونەیل.
خوەینشاندەرەیل لە گۆڕەپان تەحریر گردوو بۊنەو و پەرچەم عراقی هەڵگردنە، و چەن دروشمیگ دووارەو کەن، لەناویانیش "گەل خوازێد رژیم بڕمنێد" و "ئیران وە دەیشت وە دەیشت، تشرین وە ئازادی مینێدەو"، لە وەختیگ هێمان شمارەی بەشداربۊەیل لە زیایبۊنە.
خوەینشاندەر جاسم حەمید، ئەرا ئاژانس شەفەق نیوز وت، کە "گردەوبوین ئمڕوو لە یاد هەفتەم ئەرا شۆڕش تشرین تیەێد ئەرا نووەوکردن پەیمان ئەرا شەهیدەیل، و وەردەوامبۊن لە خوەینشاندانەیل تا دەسکەفتن وە نیشتمانیگ ئازاد دۊر لە دەسوەردانە دەیشتەکییەیل".
لە لای خوەیەو، خوەینشاندەر خالید عەلی حەسەن، ئەرا ئاژانس شەفەق نیوز وت، کە "شۆڕش تشرین لە تۆماریگ نەمر لە خەبات گەل عراقی دروس بوود ئەرا وەدیهاوردن ئامانجە رەوایەیلی"، وە دەسنشانکردن ئەوە کە ئەوە "شۆڕشیگە لەبان گەندەڵی و پشککاری و نەوین خزمەتگوزارییەیل و هەلەیل کار".
هێزەیل نەهیشتن ئاژاوە بازنەیگ ئەمنی تون لە دەور خوەینشاندانەگە چەسپان، لە وەختیگ گردەوبوین بەشداربۊەیل لە دەورگرد باخچەی ئوممە لە پشت پەیکەر تەحریر مەن، هاەوەخت وەرد بڵاوبۊنیگ خەس لە ناوچەی باب شەرقی ئەرا مسۆگەرکردن جموجۊل هاتوچوو.