شه‌فه‌ق نيوز/ ريكخرياگ "هيومن رايتس ووتش" وت: وه‌گووره‌ى شيه‌وكردن دقه‌تيگ ئه‌را بڕياره‌يل دادگاى ته‌ميز عراقى له مه‌سه‌له‌يل په‌يوه‌س وه تيرۆر ئه‌وه ده‌ركه‌فتگه گ دادوه‌ره‌يل دياره ياسايه‌يل سزاداين له هويريان چيه يا پشت وه ئعترافكردن ناپشتگيريكرياێ به‌سانه له 20 مه‌سه‌له له ماوه‌ى نزيكه‌ى 18 مانگ.
ريكخريايه‌گه وت: له‌گشت ئه‌و مه‌سه‌له‌يله دادگايه‌يل وه جددى روێ له سزاداين كردنه وه‌گووره‌ى به‌ڵگه و بڕيگيش له تومه‌تباره‌يل ئازاد كريانه، ك يه‌يش كه‌لينيگ له‌ناو سيستم دادگه‌رى تاوان عراقى دروس ئه‌كاو روێ له به‌رزترين ئاست ئه‌كا وه‌گووره‌ى ياسايه‌يل ناوده‌وڵه‌تى، يه‌يش له‌وه‌ختيگه نه‌بايه‌د دادگايه‌يل هويچ وه‌ختيگ پشت وه‌و به‌ڵگه‌يله بووه‌سن ك له‌ڕێ سزاداينه‌و ئه‌كه‌فێده ده‌سيان.
ريكخريايه‌گه باس له‌وه‌يش كرد ك ته‌ماشاى دوسيه‌يليگ كردگه له 27 بڕيار ك له‌ناونى مانگ ئه‌يلول 2018 و ئادار 2019 ده‌رچيه له‌لايه‌ن ده‌سه‌ى جه‌زائى دادگاى ته‌ميز عراقييه‌و له 21 مه‌سه‌له ك له‌تى دادگا حوكم سه‌ره‌تايى پشتگووش خستگه‌و فه‌رمان دوباره‌كردنه‌وه‌ى دادگاييكردن كردگه و له دو دوسيه‌ى تريش لايه‌نگرى ئازادكردن كردگه‌و له هه‌مان وه‌خت لايه‌نگرى ئدانه‌كردن 4 مه‌سه‌له‌ى تر كردگه، وله‌ێ حوكمى زياێ كردگه.