شه‌فه‌ق نيوز/ روژنامه‌ى "مه‌عاريف" ئسرائيلى, له زووان جاكى خوجى شاره‌زا له كاروبار عه‌ره‌بى وت: ته‌لئه‌بيب له‌ى دوياخره رييگ دبلۆماسى و سياسى وه‌ل به‌غدا واز كردگه‌و له‌تى چه‌ن نامه‌يگ ئاراسته‌ى عراق كردگه‌و نزيكايه‌تييگ له‌ناونى هه‌ردوگ ملله‌ت په‌يا بويه له‌وانه‌يش له‌ڕێ ماڵپه‌ڕه‌يل په‌يوه‌ندى كۆمه‌ڵايه‌تى.
خوجى وت له‌وه‌ختيگ ك ئسرائيل چه‌ن نامه‌يگ دووسايه‌تى ئاراسته‌ى عراق كردگه، په‌لاماره‌يليگ وه‌ليا ئه‌را ئه‌نجام ئه‌گرێد و نه‌ك هه‌ر وه ته‌نيا ئه‌را بان سوريا، به‌ڵكوو په‌لاماره‌يليگيش له عراق ئه‌نجام داگه.
ئه‌و شاره‌زاى ئسرائيليه هه‌ميش وت: ئه‌و په‌لاماره‌يل ئسرائيليه سوپاى عراقى ناگرێده ئامانج، به‌ڵكوو ته‌هران ئه‌گرێده ئامانج له مووشه‌كه‌يلێ له بنكه‌يليگ سه‌ربازى له عراق حه‌شار داگه‌و سه‌دان كيلۆمه‌تر بڕن و هه‌ڕه‌شه‌ن ئه‌را بان ئسرائيل جوور ئه‌وه‌گ له‌وه‌رده‌م هاتنه‌وه‌ى مووشه‌كه‌يل سكاد عراقى ساڵ 1991 بويمن، وه‌لێ وه دقه‌ت و مه‌ترسى زياتريگه‌و نه‌ك وه‌ده‌س سه‌دام و ميراتگره‌يلى، به‌ڵكوو وه‌ده‌س لايه‌ن سێيه‌م و وه‌كارى ئه‌يه‌رێد ئه‌را جيوه‌جيكردن ئه‌جنداى خوه‌ى له‌ناو وڵات هاوساى.