شەفەق نیوز/ پسپۆڕیگ کەشناسی، ئمڕوو دووشەممە،  مەزەنە کرد ک ناوچەیل وڵاتەگە لەماوەی ئی هەفتە، گورجەوبۊن وا وەخوەی بۊنێد، و کەێدەی خوەڵوتوز و بان و خواری لە پلەیل گەرمی،  و لە خود وەختەگە دووپات کرد ک واران نییە. 

سادق عەتیە لە پۆستیگ لەبان فەیسبووک نۊسان: ئاڵشتبۊن سەختیگ لە تونی و رۊەیل واگە لە رووژەیل ئایندە هەس، لەوەر کاریگەری زوور کەشوهەوای هشکیگ لەبان وڵاتەگە، و دیاری کرد ک شەو دووشەممە لەبان سێشەممە گورجییگ لە وای باکووری خوەرئاوایی لە شارەیل فورات ناوڕاس و ناوس ئیجا باشوور وەخوەی دۊنێد،  شایەت بوودە خوەڵوتوز لە ناوچەیل بیاوانی.     

وتیش: شەو چوارشەممە/ پەنجشەممە شەپۆلەیلیگ لە خوەڵوتوز وەخوەی دۊنێد وەکاریگەری زوور فرەیگ ک بوودە کەشەوهەوایگ هشک، لەوەر گورجی واگە و ئاڵشتبۊنی رۊەگەی، ک تونیەگەی رەسێدە ٧٠ – ٨٠ کیلومەتر لە ساعەتیگ لە فرەی شارەیل وڵاتەگە، و دیاری کرد ک خوەڵوتوزەگە چەن شاریگ لە وڵاتەگە گرێدەو جۊر نەینەوا و سەڵاحەدین.    

وتیش: خوەڵوتوزەگە کەفێدە خوەرئاوا و ناوڕاس وڵاتەگە ئیجا باشووری، و تا ئیوارەی رووژ جمعە/ شەممە هەمیش واگە وەگەرد خوەڵوتوز لە خوەرئاوا و ناوڕاس و باشوور وڵاتەگە گلەو خوەێد.   

عەتیە مەزەنەیش کرد پلەی گەرمی لە بەرزەوبۊن و داوەزین کەمیگ تا شەو جمعە وەردەوام بوود،  ئیجا چەن پلەیگ داوەزێد، و ئەرا چەن رووژیگ کەشوهەواگە لە ناوڕاس و خوەرئاوای وڵاتەگە گونجیای بوود، وە گەرد کەمیگ سەردی لە شارەیل باکوور.   

و دووپات کرد ک هۊچ وارانیگ لە رووژەیل ئایندە تا رووژ شەممە نییە، و کاریگەری زوورەگە و واران لە ناوچەیلیگ جیاجیا لە شارەیل هەرێم کوردستان و نەینەوا بوود.