شه‌فه‌ق نيوز/ عادل عه‌بدولمه‌هدى سه‌رۆك ئه‌نجومه‌ن وه‌زيره‌يل، پيشوازى له ئه‌لكسه‌نده‌ر لافرنتيڤ نێرده‌ى تايبه‌ت سه‌رۆك روسيا ئه‌را سورياو شاند ياوه‌رى كرد ك پيكهات له جيگر وه‌زير خارجيه‌و شماره‌يگ له وه‌رپرسه‌يل له هه‌ردوگ وه‌زاره‌ت وه‌رگرى و خارجيه و باڵيۆز روسيا له عراق.
نويسينگه‌ى سه‌رۆك وه‌زيره‌يل له به‌ياننامه‌يگ وت: له‌و ديداره باس له په‌يوه‌ندى ناونى هه‌ردوگ وڵات كرياگه له بواره‌يل ئابوورى و پته‌وكردن تواناى هيزه‌يل عراقى و رويداگه‌يل سورياو جيوه‌جيكردن سه‌قامگيرى له‌تى و ئاماده‌كاريه‌يل وه‌رده‌وام ئه‌را سازكردن كۆنگره‌ى ئاستانه‌و باسكردن بارودوخ هه‌رێمايه‌تى و قه‌يران ئيسه‌ى ناونى ئه‌مريكاو ئيران.
به‌ياننامه‌گه يه‌يش ده‌رخست ك شاند رووسى سڵام سه‌رۆك رووسيا ره‌ساننه‌سه حكومه‌ت و ملله‌ت عراق و خوه‌شاڵى خوه‌ى نيشانداگه له‌باره‌ى هاتنه‌وه‌ى رۆڵ عراق له ناوچه‌گه‌و كار هاوبه‌ش له‌ناونى عراق و روسيا و يه‌يش ده‌رخست ك شاند ميوان گرنگى روسيا ده‌رخستگه وه به‌شدارى عراق له كۆنگره‌ى ئاستانه جوور چه‌ه‌ودێر و خواست هاوكاريكردن وڵاته‌يل هاوسا ئه‌را كوتاييهاوردن وه حاڵه‌ت جه‌نگ له ناوچه‌گه.