شەفەق نیوز/ روانگەی (عراق سەوز) کە پسپۆڕە لە کاروبار ژینگە، ئمڕوو یەکشەممە، چەن ناوچەیگ دیاری کرد کە ژینگەی پووڕیای دیرن ئەرا بەرهەمکردن وزە لە جویلەی وا، لەناویان کویەیل هەرێم کوردستان، و ناوچەیل بیاوانی لە پارێزگای ئەنبار و فورات ناوڕاس.
عەلی ناجی ئەندام روانگەگە ئەرا ئاژانس شەفەق نیوز وت: دەسەڵاتەیل وەرپرس لەبان وزەی کارەبا، دیر کەفتنە لە وەکارهاوردن سامانەیل سروشتی لە ناوچەیل عراق ئەرا بەرهەمکردن وزەی نووەوبوی، دیاری کرد کە دیارترین ئەو ناوچەیلە لە کویەیل کوردستانە جویر کویەیل ئەزمەر لە سلێمانی و کۆڕەک و هەڵگورد لە هەولێر.
وتیش: ناوچەیل بیاوانی لە ئەنبار وناوەین نەجەف و سەماوە و واست، و دیاری کرد کە تونی وا لە کەژ کویلەیل و ئی ناوچەیلە توەنن وەشیوەی خاسیگ وزەی کارەبای پاک و هەرزان دروس بکەن.
دیاری کرد کە پەنابردن عراق وە بەرهەمکردن کارەبا وە وزەی خوەر و وا، بەشیگ لەو کەمی تیژە لە کارەبا پڕەو کەێد کە ساڵانیگە وڵاتەگە لەدەسی ناڵێد.