شەفەق نیوز- بەغداد
روانگەی "عراق سەوز" تایبەتمەن وە کاروبار ژینگەیی، رووژ دووشەممە، ئاشکرای بۊین لاوازییگ لە چەودیاری ژینگەیی لەبان چالاکییە پیشەسازییە بەرهەکاریەیل لە پایتەخت بەغداد کرد، کە بۊسە مدوو پەیابۊن پیسبۊن بەرزیگ لە بڕیگ لە ناوچەیلی.
روانگەگە، لە بەیاننامەیگ رەسیە ئاژانس شەفەق نیوز، وت، کە "دیوان چەودیاری دارایی فیدراڵی لە راپۆرتەگەی لاوازییگ لە چەودیاری ژینگەیی وەڕێوەبەرایەتی ژینگەی بەغداد لەبان چالاکییە پیشەسازییە بەرهەمکاریەیل دیاری کردگە، و دیاری کرد کە سەرەتاییەیلیگ نیین کە تایبەتن وە شمارەیگ لە پرۆژە پیشەسازییە بەرهەمهاوردن لەلای وەڕێوەبەرایەتییەگە و نەزانستن شوینەیلیان بیجگە دەسوەپیکردن ئەو پرۆژەیلە وە کار و وەدەسهاوردن مووڵەتەیل بەرهەمکاری لە دەسەی بەرهەمهاوردن بەغداد و دیاریکردن ناونیشان و شوین ئەو پرۆژەیلە لەناو رەزامەنییە ژینگەییە پیدریاگەیل ئەرا پرۆژەیلە و نەگردنیان وە سەردانەیل وەشکین".
دیاری کرد کە ئەو پرۆژەیلە و بیجگە ئەوان ئەوانەن کە مدوو رۊداین پیسبۊنن لە بەغدای پایتەخت و بەرزەوبۊنی لەی دۊاییەیلە کە بۊسە مدوو فرەیگ لە بیماریەیل ئەرا هاووڵاتییەیل و وە تایبەت ئەوانە کە نزیکن لەو چالاکییەیلە.
روانگەگە وتیش کە دیوانەگە تەمەی کرد وە کارکردن لەبان جیوەجیکردن وەڕێوەبەرایەتی ژینگەی بەغداد وە چەوپیاخشانن گشت سەرەتاییەیل تایبەت وە رەزامەنیە ژینگەییەیل تایبەت وە پرۆژە پیشەسازییە بەرهەمکارەیل ئەرا زانستن شوینەیلیان و گردنیان وە سەردانەیل وەشکین ژینگەیی تایبەت وە وەڕێوەبەرایەتییەگە.
روانگەگە دووپات کرد کە دیوانەگە لە راپۆرتەگەی باس لە نەوین ئەو میکانیزمە کرد کە گیریاەسە وەر لەلایەن دەسەی بەرهەمهاوردن بەغداد ئەرا پابەندکردن پرۆژە پیشەسازییەیل وە وەدەسهاوردن رەزامەنی ژینگەیی لەبان پرۆژەگە وەرجە دایین مووڵەت و دەسکردنیان وە کار پێچەوانەی یاسای پاراستن و خاسەوکردن ژینگە.
بەیاننامەگە وتیش: دیوانەگە هەمیش ئەرکدارە وە کارکردن لەبان دروسکردن دەسەیگ هاوبەش لە دەسەی بەرهەمهاوردن بەغداد و وەزارەت ژینگە ئەرا ئامادەکردن میکانیزم کاریگ کە وەپەیی پابەندکردن ئەنجام بگرێد ئەرا ئەو پرۆژە پیشەسازییەیلە کە داوا پیشکەش کەن ئەرا وەدەسهاوردن مووڵەت وە وەدەسهاوردن رەزامەنی ژینگەیی لە وەزارەت ژینگە وەرجە دایین مەوڵەت و دەسکردنی وە کار.