شەفەق نیوز ـ بەغدا

روانگەی "عراق سەوز" کە تایوەتە وە کاروبار ژینگە، ئمڕوو شەممە، ئشکراکرد حالەتەیل پیسبوین ئاو لە 6 خەستەخانەی بەغدای پایتەخت هەس.

 لە بەیانامەیگ روانگەگە کە ئەرا ئاژانس شەفەق نیوز کلیکردیە، راپۆرتەیل ساڵانەی دیوان چەودێری دارایی ساڵ 2025 دەرخەێد حالەتەیل پیسبوین نمونە ئاوەیل کلکریاگ ئەرا تاقیگەی ناوەندی تەندروسی هەس و رێکار هەوەجەکریاگ وەرنەگیریاس ئەرا سنووردارکردن ئێ حالەتە.

وتیش، راپۆرتەگە وەڕێوەبەرایەتی شار پزیشکی، خەستەخانەی فێرکاریی بەغدا، خەستەخانەی شەهید غازی حەریری و خەستەخانەی و ناوەنە پەیوەنیدارەیل، و خەستەخانەی ئەمەل ئەرا چارەسەر شێرپەنجە، دیاری کردیە.

روانەگە ئاشکراکرد،  لە وەڕێوەبەرایەتی تەندروسی بەغدا لای رەسافە، پیسبوین لە هەردووگ خەستەخانەی فاطمەی زەهرا ئەرا ژنەیل و مناڵەیل، و کەمال سامەرایی ئەرا  چارەسەر نەزۆکی و مناڵەیل تیوب، دەرکەفتیە.