شەفەق نيوز/ سەرچەوەیگ ئەمنی پایەبەرز لە پارێزگای ئەنبار، ئمڕوو یەکشەممە، خەوەردا لە کەفتن بڕیگ دڕۆن لە ناوچەیلیگ جیاجیا لە پارێزگاگە، کە وەرەو سەربازگەی "عەینل ئەسەد" کل نەکریاوێن، بەڵکم وەرەو ئامانجەیل دویریگ لەناو ئیسرائیل تەقەلا دیان.

سەرچەوەگە ئەرا ئاژانس شەفەق نیوز وت:  گشت ئەو درۆنەیلە کە ئمڕوو لە ئاسمان ئەنبار کەفتنە خوارەو، سەربازگەی عەینل ئەسەد نەکردنە ئامانج، وەلی وە بەریزیەو باڵ گردیان وەرەو ری دویریگ، و مەزەنە کریەێد وەرەو ئامانجەیلیگ لەناو ئیسرائیل چیان، و لەوەر گیچەڵیگ کەفتنە خوارەو.

 وتیش: رەوش ئەمنی لە دەورگرد سەربازگەگە و گشت ناوچەیل ئەنبار ئارامە، و هویچ نشانەی هەڕەشە وەبان سەربازگەیلیگ لە پارێزگاگە نییە، وتیش: هیزەیل ئەمنی چەودیاری ریڕەوی ئی دڕۆنەیلە کەێد، و وەگەرد هەر رویداویگ وەگورەی پلانەیل ئەمنی رەفتار کەن.

لە دویەکەو تا شەوەکی ئمڕوو، کەفتن نزیکەی 11 دڕۆن لە ناوچەیلیگ جیاجیا لە ئەنبار توومار کریا، بەشیگیان نزیک سەربازگەی عەینل ئەسەد، و ئەوەکان لە شوینەیل دویریگ کەفتن، وەبی زەرەدیگ دارایی یا گیانیڕ وەقسەی پەیامنێر ئاژانس شەفەق نیوز.